Iginpahinumdom ni Senate Impeachment Court Spokesperson Atty. Reginald Tongol nga mas sakop han subjudice rule an mga senator-judges.
Kasumpay ini ha nagin post ni Senator-judge Robin Padilla ha iya social meedia account kun diin ginpahayag hini nga duplicate ngan dire maikokonsidera nga orihinal an kopya han video nga iginpalabas ha impeachment trial kun diin nahitabo an gin aalegar panhulga ni Vice President Sara Duterte ha kinabuhi ni Presidente Bongbong Marcos.
Sumala kan Tongol, mas sakoop han subjudice rule an mga senator-judges mahitungod nga kumo political process an impeachment trial, anuman nga opinyon kasumpay ha merito han kaso in posible magkamay-ada hin impresyon nga dire patas an pagdungog.
Posible daw mabalewaray an ginbubuhat nga trial kun makikit-an an mga senator-judges han impropriety o pagigin bias o prejudice.
Pag-eskplikar pa ni Tongol, ginpapahirot an mga senator-judges ha ilarom han impeachment rules agud dire mawarayan hin respeto ngan hin kumpyansa an publiko ha magigin desisyon han impeachment court.
