TACLOBAN CITY – Utro nga nagpahimatngun an pamunuan han El Reposo Public Cemetery ha siyudad han Tacloban ha mga manbibisita ha ira mga minahal ha kinabuhi nga tumalikod na ha kadayunan nga magsunod ha mga ginpapatuman nga health protocols.
Sumala kan Kapitan Richard David Estrada, han Barangay 55 El Reposo Tacloban City, nga may mga tanod hira nga nagbabantay ha mga entrance han kada sementeryo agud nga masiguro nga an tanan nga mga masulod ha in nagpakasulot hin face mask, face shield, QR code ngan obserba han social distancing.
Ha pagkayana in damula-ay na daw an mga bisita nga napakadto ha mao nga sementeryo ngan ini in hinay-hinay pa nga madudugngan ha mga masunod nga adlaw.
Mababaruan nga yana gihapon nga adlaw in ginpatikangan an deployment han mga kapulisan ha mga pampubliko ngan pribado nga sementeryo ha Tacloban.
