-- Advertisements --
NATIONAL – Ginmalatumat ni Senadora Imee Marcos nga kinahanglan igbalik ha mas madagmit nga panahon an mga pulis nga nakatudlok kumo security kan Vice President Sara Duterte.
Sumala kan Marcos, kinahanglan nga igbalik ine mahitungod nga hi VP Sara an ikaduha nga pinakahitaas nga elected official ha nasud sanglit dire dapat makompromiso an seguridad hine.
Labot pa hine, ginhayag ni Marcos nga hi VP Sara, sugad han iya tatay nga anay Pangulong Rodrigo Duterte in makusog nga taga-depensa han law and order sanglit nangunguna an mga ine ha order of battle han New People’s Army.
Dugang pa hine, dire niya kilala an bag-o nga hepe han PNP nga hi General Rommel Marbil nga amu an nagmando ha pagtanggal ha security detail han bise-presidente han nasud.
