TACLOBAN CITY– Padayon an pagpapatuman han magkaduro-dilain nga mga programa para han mga Person’s Deprived of Liberty o PDLs ha syudad han Tacloban.
Sumala kan Bureau of Jail Management and Penology (BJMP) Tacloban City Jail Warden JSupt. Jim Ariza Buranday, nag-i-imbitar an BJMP hin mga ha eksperto para ha Mental Health Program, diin nagbubuhat hin personal interviews ngan paghihimangraw kaupod an mga PDLs agud mabuligan hira nga magpabilin an sakto nga panhuna-huna.
Labot la hini, may-ada gihapon hira Livelihood Program para ha mga PDLs sugad han paghihimo han mga parol, rosaryo, ngan iba pa nga mga pewde nga ig-designs.
Ha pagkayana, padayon naman nga ginpapaupay an nasabi nga pasilidad kadungan an sitwasyon han mga PDLs ha sulod han presuhan.
Aminado an nasabi nga opisyal, nga mayda hira nakaka-atubang nga mga ayat pero dayon naman ine nga nasosulosyunan ha dagmit nga panahon.
(via | Bombo Shiela Encio)
