NATIONAL – Nakikita nga usa ha mga rason han Presidential Anti-Organized Crime Commission (PAOCC) ha padayon nga operasyon han mga gudti nga Philippine Offshore Gaming Operations (POGO) an dire pa pagkadaop han pira pa nga POGO bosses nga nag-uukoy ha sulod han nasud.
Sumala kan PAOCC Executive Director Usec. Gilbert Cruz, damo la gihapon yana an mga players, POGO workers, ngan POGO bosses an dire la gihapon nadadakop sanglit posible nga ine an pangunahon nga rason kun kay-ano nagdudumara la gihapon hin nga gudti nga operasyon an pira nga mga POGO hubs.
Pira ha mga nakita han mga otoridad in mga resort kun din nagpi-pirme an pira nga POGO hubs, mga condo units ha Pasay nga ginhihimo nga mga POGO centers, ngan maski an mga underground parking in kaupod na gihapon.
Pira pa ha mga nakikita nga rason ha padayon nga operasyon han mg POGO in an pagkakamay-ada hin maupay nga source hin mga gamit nga maski mga armas sugad han pusil in nakakakuha na an mga operators hin mga kalidad nga klase, kun diin amu an iginkakabaraka han PAOCC.
