Karuyag ni Presidente Ferdinand Marcos Jr. nga mas pakusgon pa an dairy industry han nasud agud mabuligan an mga parag-uma ngan mapadig-on an lokal nga produksyon han gatas.
Ha inagurasyon han Farm Fresh Milk Plant ha San Simon, Pampanga, ginmalatumat han Presidente nga kasupod ha pitad an pagpapautang han puhunan, paghag-id ha mga parag-uma, ngan mas aktibo nga pakikigsumpayan ha pribado nga sektor.
Sumala ha Presidente, nagpapabilin nga hamubo an produksyon han gatas ha nasud mahitungod ha hitaas nga pag-angkat ngan epekto hann pagbabag-o han klima.
Pero ha pag-aabri han bag-o nga planta, ginlalauman nga makakahimo ine hin 32 milyon ka-litro hin pasteurized milk ngan 2.4 milyon ka-litro hin yogurt kada tuig.
Nagkakantidad hin P3 bilyon an pasilidad nga resulta han pakikigsumpayan han Pilipinas ngan Malaysia.
Gintagan-duon gihapon han Presidente an importansya han gatas kumo masustansya nga pagkaon para ha mga kabataan ngan pangunahon nga panakot han magkaduru-dilain nga pagkaon.
