TACLOBAN CITY – Sobra 500 nga mga partners ngan Volunteers han Tingog nga nagtikang pa ha iba-iba nga parte han Pilipinas an nagkatitirok ha gindudumara nga tulo kaadlaw nga National Tingog Summit 2025.
An mga ini in kaurugan naghahatag hin serbisyo ha mga Tingog Centers nga aada na ha 210 ha bug-os nga nasud nga an panuyo in makaghatag hin social services nga pinadagmit ngadto naman ha mga katawhan nga nagkikinahanglan.
Sumala kan Tingog Partylist representative Jude Acidre nga mahinungdanun an pagbubuhat han ika duha nga summit mahitungod nga dinhi nagtikang an anay gutiay nga grupo ha Sinirangan Bisayas.
“Ngayon, sa tulong ninyong lahat, isa na tayong pambansang kilusan. Since our election in 2019, TINGOG Partylist has grown from a single seat in Congress to a national movement that brings governance, legislation, and social services closer to the people” yakan ni Acidre.
Dugang pa hini nga an mga centers nira in diri daw la usa nga tanggapan o opisina, mahitungod nga an panuyo hini in makapaghatag hin serbisyo ha publiko ngan sugad man gihapon nga diri la ini usa nga Partido kundi kilusan o movement han mga volunteers nga mayda gihapon kaparehos nga panuyuan.
“Tingog partylist is not just a partylist, Tingog is a movement. Hindi lamang Partido ang tingog, hindi lang isang kilusan, tayong lahat- ako, kayo, tayo ang Tingog Partylist. It is every volunteer who wakes up early just to bring aid to a far flung barangays. TINGOG is every volunteer who wakes up early just to bring aid to a far-flung barangay. TINGOG is every student who dreams o finishing school, knowing that TINGOG is here to help. TINGOG is every mother who hopes for better medical access for her children.” pagduon pa ni Acidre.
Sumala ha mga Center Managers nga an kaurugan nga mga nangangaro hin bulig in adtun mga kablas ha kinabuhi nga nagkikinahanglan sugad han mga problema ha medical, financial assistance ngan burial assistance.
Waray naman daw nira ginpipili nga matatagan hin bulig nga napakadto ha ira opisina, bisan pa man daw ano an ira estado ha kinabuhi.
