TACLOBAN CITY — Utro na liwat nga nagpahimatngon an gobyerno ha mga parapangisda na likayan la anay an pagpalawod ha kadagatan.
Ini gud man in may kalabutan han naaabat na karaot han panahon na durot han Bagyong Senyang ha magkadirudilain na parte han nasud Pilipinas.
Sumala kan Roel Monteza, tagapagyakan han Provincial Disaster Risk Reduction and Management Office (PDRRMO) na sobra kadelikado an pagtabok ha mga kadagatan mahitungod han gale warning na guinpagawas han Philippine Atmospheric Geophysical and Astronomical Services Administration ( PAG-ASA).
Dugang pa hini na kinahanglan na una nga huna-hunaon an katalwasan han kada tagsa ngan mga miyembro han pamilya ugsa an mga larakaton na may peligro.
Manunumduman na damo na nga mga parapangisda ha Rehiyon 8 an nagkamatay mahitungod hin pagkalumos ngan pagkalunod han mga sarakyan pandagat dida han mga nakalabay na mga bagyo na nagkurukuso ha Sinirangan Bisayas.
