TACLOBAN CITY — Usa an mga parag-uma ngan mga parupangisda ha Sinirangan Bisayas an makakakarawat hin fuel subsidy nga ayuda tikang ha gobyerno.
Sumala kan Juan Albaladejo, Regional Director han BFAR Regional Office VIII, depende la naman ha mga parupangisda nga nagpakarehistro an tagsa mga sarakyan padagat an makakakarawat han mao nga ayuda.
Basar naman ha datos han boat registration han BFAR in maabot ha 38,000 an nagpakarehistro nga mga sarakyan han mga fisherfolks ha rehiyon.
Maabot naman ha P250 milyon an gin-alotaga nga budget han gobyerno para ha mga parag-uma ngan parupangisda ngan limitado la ini nga budget matungod tutunga-tungaon pa ini ha 16 nga mga rehiyon ha nasud.
Maabot naman ha sobra 5,000 nga mga fisherfolks ha Sinirangan Bisayas an makakakarawat hin tag P3,150 nga subsidiya han gobyerno.
