TACLOBAN CITY — Nakagdurot hin kahadlok ha mga residente an mga pagbaha nga nahipatik ha pira nga lugar ha Southern Leyte matungod hiton waray wantas nga pag-inuran.
Sumala kan Servando Bandoy Tio Jr., SB Secretary Emergency Response Coordinator han San Francisco Southern Leyte, dayon la nga humubas an mga pagbabaha pero nakaghimo ini hin kahadlok ha mga residente matungod han ira naeksperyensyahan nga panhitabo dida han naglabay nga Bagyong Odette.
Umabot ngadaw ha 8 nga mga pamilya an ira ginpapagbakwit pero gin-una la nira anay an mga bulnerable nga mga indibidwal ha kabaraka nga deri humubas an tubig-baha.
An nasabi naman nga mga residente in nag-uukoy la mismo harani ha salog nga sobra hin kadelikado ha paghitaas han lebel han tubig sugadman ha pagbaha.
