TACLOBAN CITY- Guinpanindugan han Department of Agriculture Regional Office 8 an importansya han mga parag-uma ha sosyodad.
Sumala kan Francis Rosaroso, Chief han Regional Agriculture and Fisheries Information Section han DA 8 nga dako an kontribusyon han mga parag-uma ha mga kunsumidores mahitungod nga waray magiging produkto nga bugas, utanon, prutas ngan tanan nga agricultural products nga mapapalit kun waray naton mga aktibo nga mga parag-uma.
Dugang pa ni Rosaroso, nga diri matutupungan han pira nga propesyon an waray wantas nga kontribusyon ngan kinasing kasing nga serbisyo han mga parag-uma.
Samtang, guinpasamwak naman han mao nga opisyal nga magkakamay-ada hin culminating activities buwas nga adlaw kumo paghatag hin pasidungog ha mga outstanding nga parag-uma nga tikang ha magkadirudilain nga parte han Sinirangan Bisayas.
