TACLOBAN CITY – Ginpapanawagan han pira nga mga negosyante ha syudad han Tacloban nga ig-undang na an QR code scanning ha sindo nasulod ha mga establishmento, lugod in igrequire an pagpapakita han vaccination cards.
Sumala kan Hon. Colai Go, Director han Tacloban Filipino Chinese Chamber of Commerce ngan kapitan han Brgy. 41 Tacloban, nagtutuo hira nga mga negosyante nga dire na kinahanglan an QR code tungod nga an panuyuan man hini in para han contact tracing.
Ira ginpapanawagan kan Tacloban City Mayor Alfred Romualdez nga tanggalon na an QR code scanning lugod in igrequire na ha mga masakob ha mga establishmento o tindahan an vaccination cards ngan ID.
Pinaagi hini sumala kan Go, damo nga mga katawhan an mas maaghat nga magpabakuna na kontra COVID-19.
