TACLOBAN CITY – Nagpahimatngon ha publiko an pira nga mga negosyante ha siyudad han Tacloban nga imbes mag-araba in magtirok nala hin petrolyo ngan deri maglinakat kun deri importante an destinasyon nga kakadtuon.
Ini in matungod nga deri la an Pilipinas an nakakaeksperyensya han mao nga krisis kundi an bug-os nga kalibutan.
Sumala kan Wilson Uy, Incoming Board /Presidente han NitroFuel Corporation, nakukurian gihapon hira nga mga negosyante ha padayon nga pag-increase han presyo han mga produktong petrolyo.
Yana gihapon daw in nagdo-doble an ira kapital kun diin katunga nala an ira napapalit nga gasolina.
Dugang pa hini, nga dida han nakalabay nga mga tuig maabot la ha P32-34 an presyo han gasolina pero ha pagkayana in nagdoble na an presyo hini sanglit gutiay nala an ira napapalit.
An volume gihapon nga ira nababaligya in nagutiay gihapon matungod han mahal nga presyo hini.
