TACLOBAN CITY – Suportado han pira nga mga negosyante ha syudad han Tacloban an naging pahayag ni Presidente Bongbong Marcos ha iya syahan nga State of the Nation Address (SONA) bahin han pagpapakusog han export han nasud.
Sumala kan Colai Go, Information Officer han Tacloban Filipino Chinese Chamber of Commerce Inc. (TFCCI), dako nga bulig an pagpapakusog han export industry han nasud pero dire naman ini matutuman kun waray suporta han gobyerno ha mga local industries ha Pilipinas.
Agud daw nga makag-compete an Pilipinas ha export industry kinahanglan nga suportahan han gobyerno an mga local producers sugad nala han mga parag-uma ngan parupangisda.
Nagtutuo gihapon ini nga an mga Overseas Filipino Workers (OFWs) an numero uno nga export han nasud ha pagkayana sanglit sadang la nga buligan ngan suportaran an mga ini han gobyerno.
