TACLOBAN CITY – Padayon nga guinkakadismaya han mga biktima an diri kinasing-kasing nga paghatag hin bulig ha mga naligis han sarakyan ni Mayor Oscar Monteza han Sta.Fe, Leyte.
Manunumduman nga nagbilin hin duha nga samaran an guindumara nga gios protesta ha syudad han Tacloban kadungan ha guindumara nga State of the Nation Address (SONA) ni Presidente Rodrigo Roa Duterte dida han nakalabay nga Hulyo 23.
Ini in mahuman nga maligsan han guinmanehuan nga sarakyan ni Mayor Monteza an usa nga miyembro han media nga hi Jasmine Bonfacio han Rappler ngan usa nga miyembro han grupo nga Kadamay nga hi Poncesso Ocasla.
May kalabutan hini, naghangyo hi Ocasla ha pamilya han nakadisgrasa ha iya nga unta sumuporta ha mga guinkikinahanglan nga medisina kumo kasarutanan han mga ini ha nabuhat nga disgraya ha panlawas.
Samtang, mahugot naman nga guinpanindugan ni Ocasla an alegasyon nga nangangwarta la ini ha nakaligis nga Mayor.
