TACLOBAN CITY — Ginpahayag han Leyte Metropolitan Water District (LMWD) nga diri na maiha in magkakamay-ada na hin supply hin tubig an mga naguukoy ha NHA relocation sites ha Northern Barangay han Tacloban.
Sumala kan John Paul Go, spokesperson han LMWD, nga padayon an ira gindudumara nga paghingayad han treatment facility nga pagkukuhaan hin tubig para han mga nag uukoy ha norte.
Nag-aro naman ini hin pag-intindi ha mga residente nga nga medyo nalalangan la an mao nga proyekto tungod nga hira in may-ada daw ginsusunod nga time frame ngan standards ngan diri la basta basta nga makakagpa-awas hin tubig ha mao nga lugar.
Sugadman, ginpatapod naman hini nga padayon nga ginmomonitor nira an mga private provider nga amu la anay an mag susupply hin tubig ha mao nga lugar.
