TACLOBAN CITY – Nanawagan an mga magtirinda ha siyudad han Tacloban nga unta magkamay-ada anay hin diyalogo ha butnga han Traffic Operations Management Enforcement and Control Office (TOMECO) ngan han mga vendors ugsa an ira igpapatuman nga clearing operation.
Sumala kan Zaldy Ladrera, Presidente han Vendors Association, nga waray man ta malain ha ira an igpapatuman nga panlimpyo ha kakalsadahan pero an ira la hangyu in maplastada ini hin maupay tungod nga makaluluoy an mga magtirinda.
Siyahan nga ginpunto ni Ladera an relocation o an babalhinan han mga ini nga waray pa katuman tikang pa han hadto nga administrasyon.
Nagklaro liwat hi Ladrera nga unta in diri ura-urada an ira himuon nga clearing operation mahitungod kun ingkaso nga diri makabalik pamag tinda an mga vendors in patiunan-o nala an pagbawi han mga kapital nga ira gin utang.
Mababaruan nga nakatalaan nga magdumara hin clearing operation ha masunod nga semana an (TOMECO) ha mga sidewalk vendors ha downtown area ngan sugadman mga nagpapakaulang nga mga struktura ha mga kakarsadahan han syudad.
