TACLOBAN CITY- Guinpanindugan han mga lumad community nga diri agud angay nga igpatuman an Martial Law ha Mindanao Region.
Sumala han lumad nga hi Kerlan Panajil, nga gusto nga igpaabot hini kan Presidente Rodrigo Roa Duterte nga diri solusyon an Martial Law mahuman nga bumutho an kasamok ha Marawi City.
Dugang pa ni Panajil nga diri la an himangrawaon han terorismo an problema ha mao nga lugar mahitungod nga maiha na nga naeeksperiensyahan partikular han mga parag-uma an magkadirudilain nga kasamok nga durot han mga walhon nga grupo.
Guinduon guihapon hini, nga maiha na nira nga guinkokondina an mga terorista nga pan-atake han mga rebelde nga grupo ha mao nga rehiyon.
Manunumduman nga nagpagawas guihapon hin magkadirudilain nga reaksyon an magkadirudilain nga sektor dida han guindeklara ni Pangulong Duterte an Martial ha bug-os nga Rehiyon han Mindanao dida la han nakalabay nga semana.
