Gin manduhan na han Department of the Interior and Local Government (DILG) an ngatanan han lokal nga pangobyernuhan nga magdumara hin mga pitad kontra ha overpricing ngan paningabot.
Ine in ha butnga han deklarasyon han National State of Calamity.
Subay ha DILG, dire dapat himuon nga rason an public emergencies agud singabuton an mga residente.
Kinahanglan daw nga siguraduhon han mga LGU nga magpapabilin nga patas ngan resonable an presyo han mga pangunahon nga papliton, kadungan han pahimatngon ha mga naniningabot nga papagbatunon an mga ine.
An kamanduhan in resulta han mga nahipatik kasumpay ha doble nga paghitaas han presyo ha mga generator ngan iba pa nga papliton ha Bacolod City.
Mahitungod ha deklarasyon han national calamity, iginmando gihapon han DILG ha mga gobernador, alkalde, ngan opisyal han barangay nga suspendihon an mga biyahe ha iba nga nasud ngan ig-activate an ira Local Price Coordinating Councils agud ig monitor an presyo han mga pangunahon nga panginahanglan.
