NATIONAL – Ginaunsiyo han Department of Energy nga tumugot an ira tinaglawas tikang ha oil industry nga himuon nga pautay-utay an pagpapatuman an dugang presyo ha produkto hiton petrolyo yana nga semana.
Ha usa nga pahayag, ginmalatumat ni DOE Officer-in-Charge Sharon Garin nga mahuman an ira pakikipag-hampang ha oil industry players in tumugot an mga kumpanya han lana nga dire himuon nga tigdaay an oil price hike.
Panuyuan hini nga masigurado nga dire magigin mabug-at an epekto han paghitaas han presyo han lana labi na ha mga aada ha agriculture ngan transport sector.
Sumala ha DOE, magsusumite an mga oil companies hin ira mga sistema han pagpapatuman kaupod na an ira breakdown han magigin adjustments.
Samtang, ginaaghat naman ni Garin an mga kompanya han lana nga dugangan an mga gasolinahan nga nag-offer hin fuel discounts para ha mga aada ha transport sector.
