TACLOBAN CITY — Nagbuhat hin noise barrage an mga inmates han Tacloban City Jail tungod ha di umano pagtanggal han ira katungod.
Sumala ha mga preso nga partikular nga ginpapanawagan daw han ira mga pamilya in an diri paghahatag hin mga pagkaon ha mga preso ngan ha diri pagtugot nga hira in bisitahon.
Nakabutang naman ha mga placards han mga detainess an panawagan nga unta in balyuan an bago nga lingkod nga warden.
Sumala namn kan Jail Senior Superintendent Efren Nemenio nga miscommunication la an nanabo ha sakob han presohan.
Dugang pa hini nga gin-restrict la daw han BJMP-8 an pagpapasakob han mga dalaw ha mga selda tungod ha padayon nga naipupuslit nga mga iligal nga droga ngan kontrabando ngan diri an pagtanggal han ira mga visiting rights.
Una hini han magbuhat hin greyhound operation yana la nga semana an mga operatiba han PDEA-8 ngan BJMP nga kun diin nakuha an 11 ka sachet han shabu ngan nagresulta pa han pagkakasibak han usa nga Jail Warden ngan iba pa.
