NATIONAL – Nahitaas na an ihap han mga evacuees nga nagkakasakit hin ubo ngan sip-on ha mga evacuation centers nga igin bakwit dida han kakusgan han paglasurbo han naglabay nga bagyo.
Sanglit gintagan-dion ni Department of Health (DOH) Secretary Ted Herbosa an panginahanglan para ha malimpuo nga maiinom nga tubig para ha mga evacuees.
Ha datos dida han nakalabay nga adlaw, mayda la gihapon sobra 500,000 nga indibidwal o kaparehsa han 121,814 nga pamilya an nagpapabilin ha mga evacuation center. Kun diin, ada ha kabug-usan nga 83,777 nga kabablayan an naguba o partially damage mahitungod ha bagyo.
Kasumpay hine, ginmalatumat ni Sec. Herbosa, nga nagpadara na hira hin medical teams tikang ha DOH ha mga shelter nga namonitor nga mayda kaso hin acute respiratory infection labi na ha mga kabataan. Sanglit gin aabisuha an mga evacuee nga magsul-ot hin facemasks.
