-- Advertisements --
Nagwalk-out an mga istudyante tikang ha magkaduru-dilain nga unibersidad ngan kolehiyo ha Metro Manila, kakulop nga adlaw, Oktubre 17, kumo protesta ha korapsyon ha gobyerno.
Nagtikang an gios-protesta ha University of the Philippines Diliman kun diin nagtitirok an mga istudyante ngan magturutdo ha Quezon Hall ugsa magmartsa tikadto ha Mendiola.
Nakiusa gihapon an University of Santo Tomas, Far Eastern University, University of the East, ngan iba pa nga iskuylahan ha “U-Belt area.”
An protesta in kasunod han mga isyu ha anomaliya ha flood control projects ha nasud.
Manunumduman nga hadton Setyembre 21, gindumara an pinakadako nga anti-corruption protest kasumpay ha nasabi nga isyu.
