-- Advertisements --
NATIONAL – Posible nga maatubang an mga empleyado han gobyerno ha pira nga consequences mahitungod ha pakikig-selfie ha mga wanted nga indibidwal, sumala han Civil Service Commission.
Ginmalatumat ni CSC Commissioner Aileen Lourdes Lizada nga kinahanglan an mga empleyado han gobyerno ha Republic Act 6713, o “Code of Conduct and Ethical Standards for Public Officials and Employees.”
Pahimatngon pa han opisyal, dire ira kalugaringon ngaran an ira dara o ginrerepresenta kundi an ngaran han ahensya nga ira gintatrabahuan.
An mga magtatalapas ha RA 6713 in papagmultahon hin dire masobra han unom kabulan nga kantidad han ira sweldo o susupendihon hin dire masobra ha usa katuig.
