NATIONAL – Iginkakabaraka ni Senator Risa Hontiveros nga puydi tumaya ha mga online gambling websites hin napakadako nga kantidad gamit an mga e-wallet o online payment platforms.
Gintudlok ngan ginpakita ni Hontiveros nga gamit an e-wallet app in puydi tumaya bisan P500,000 ha mismo nga online gambling sites.
Sumala ha senadora, gintanggal ha mga e-wallet sugad han GCash ngan PayMaya an link han mga online gambling websites pero nakakadismaya matungod nga nagagamit la gihapon an mg ini ha pag-deposit ngan pag-withdraw ha sakob han mga platforms han online sugal.
Matungod hini in ginpakianhan ni Hontiveros an mga tinaglwas han e-wallet platforms kun matugot ba hira nga i-delink o igdire na gihapon an pag-cash-in ngan cash-out ha mismo nga mga online gambling apps.
Sumala kanda G-Xchange Inc. Legal Head Atty. Gilbert Escoto ngan PayMaya Corporate Affairs Head Toff Rada, andam hira nga sumunod dayon kun may regulasyon o direktiba nga igpapagawas an gobyerno o an Bangko Sentral ng Pilipinas.
Kun may balaud na nga ginpalusad an Kongreso in masugot an mga tinaglawas han online payment platforms ngan pagsunod ha kamanduan.
