TACLOBAN CITY – Naaraba ngan duro iton kasubo nga inaabat an mga drayber han Tacloban-Campetic Filcab ha panibag-o nga Public Transport Route Plan nga igpapatuman naman han Syudad.
Sumala han pira nga mga drayber nga dako itun magigin epekto hini ha ira mga pakabuhi mahitungod nga kasagaran ha ira in an nakiki-boundary la ngan pati gihapon ha mga commuters nga adlaw-adlaw nasakay ha ira.
Ha iginpagawas manggud nga Local Public Transport Route Plan (LPTRP) han Syudad in maoobserbaran nga waray didto an mao nga Filcab nga mayda byahe Campetic-Tacloban, pero yakan han pira nga mga drayber in posible nga an ira magigin ruta in mapakadto na ha Tacloban New Bus Terminal.
Naghangyo naman an mga ini ha local nga pan-gobyernuhan han Syudad nga paagion gad man hira bisan naman daw la ha sidsid nga kadalanan han Syudad.
Gin aaruan pa naman namon hin pamahayag an mga hintutuinan.
