TACLOBAN CITY – Nagpakakarawat hin tag 1,500 pesos nga internet allowance an pira nga mga college students han Barangay Blumentritt, Alang-alang Leyte tikang ha ira Sangguniang Kabataan (SK) Council.
Sumala kan SK chairman Jan Reian Niño Saavedra, nga an mao nga programa in usa ha ira prayoridad nga proyekto agud nga mabuligan an mga college students ha ira barangay nga makagpadayon han ira virtual classes.
Dugang pa hini nga waray naman hira ginkikinahanglan nga mga qualifications para maka avail han mao nga load assistance basta dapat la nga an beneficiary in usa nga studyante ha kolehiyo.
Ginplaplanohan naman nira nga mas pahalu-agon pa an mao nga programa ngan iglakip ha mga matatagan han internet allowance an mga senior high school students.
