TACLOBAN CITY – Nasusubo an bug-os nga Simbahang Katolika ha nagin pagtalikod ha kadayunan hiton Santo Papa nga nagin kaparti han ira paglaom.
Gindumdom gihapon han mga ine an nagin kontribusyon ni Pope Francis ha kinabuhio han mga biktima han Super Typhoon Yolanda nga umigo han 2013 ha Tacloban, kun diin yinukot-yukot nga mga indibidwal an namatay.
Tuig 2015, han bumisita an Santo Papa ha Tacloban ngan Palo Leyte, kun diin nagdara ine hin paglaom ngan pag-ampo ha mga nagin biktima han nasabi nga bagyong Yolanda.
Sumala kan Annie Cordero Corpin – Vice President Council Leyte Archdiocese of Palo, usa nga kag-anak an iya nagin pagkita han Santo Papa, ngan ginpahinumdom hine nga dire angay mawarayan hin paglaom.
Ha lain nga bahin, nagkamayda naman hin misa ha pira nga mga simbahan dinhi ha syudad ngan Palo Leyte, agud nga ighalad ha tumalikod na ha kadayunan nga Santo Papa.
