TACLOBAN CITY – Nagpapabilin pa ha evacuation center an mga biktima han a nasunog nga 20 nga panimalay ha Barangay 20 ha syudad han Tacloban.
May kalabutan hini, nagpagawas naman hin kasubo an mga residente ha mao nga lugar mahitungod han waray laumi nga panhitabo.
Sumala han residente nga hi Moises Nebelar nga temporaryo nga naukoy ha evacuation center an mga amyaw hini nga nabiktima han sunog mahitungod nga waray pa man pagbabalhinan hin ukayanan an mga ini.
Mapasalamaton naman hi Nebelar nga waray madukti han sunog an panimalay hini mahitungod nga dayon nga guinbuhusan hin tubig an mga balay nga waray pa kauna han kalayo.
Guintutuuhan han Bureau of Fire Prrotection (BFP) nga nagtikang an kalayo ha nakasindi nga lampara kun diin dumikit daw an kurtina nga nagresulta han dako nga sunog.
