TACLOBAN CITY – Nanawagan an Bureau of Fisheries and Aquatic Resources (BFAR-Region8) ha publiko nga likayan an pagpalit, pagkuha ngan pagkaon hin alamang o kun Hipon ha mao nga lugar.
Subay ha pinaka urhi nga resulta han BFAR kaupod an mga Local Government Units (LGUs), nabaruan nga an mga shellfish nga nakolekta ha mao nga baybayun in nagpositibo han Paralytic Shellfish Poisoning (PSP) ngan lahos han regulatory limit.
Sumala kan Norberto Berida, Regional Director han BFAR- Region 8, nga nadugngan pa ha pagkayana an mga baybayun nga nagpositibo ha shellfish poisoning.
Ini an mga lugar han:
1. Maqueda Bay- Jiabong, Motiong, Paranas,San Sebastian,Calbiga, Pinabacdao, Hinabangan, Samar
2. Villareal Bay- Villareal, Samar
3. Carigara Bay- Babatngon, San Miguel, Barugo, Carigara and Capoocan, Leyte
4. Coastal Waters of Daram, Samar
5. San Pedro Bay- Basey, Samar
6. Matarinao Bay- General MacArthur, Hernani, Quinapondan, and Salcedo in Eastern Samar
7. Cancabato Bay- Tacloban City
8. Coastal Waters of Zumarraga, Samar
9. Irong-irong Bay- Catbalogan, Samar
Subay ha laboratory examination nga gindumara han BFAR 8-Regional Marine Biotoxin Laboratory ha siyudad han Tacloban ngan Catbalogan, an katubigan nga ginkolekta in positibo ha Pryrodinium bahamense, usa nga toxi micro organism nga nakakag kawsa hin paralytic shellfish poisoning.
Samtang upod liwat nga positibo ha paralytic poisoning amo an:
10. Coastal Waters of Biliran Islands
11. Cambatutay Bay- Tarangnan, Samar
12. Coastal Waters of Leyte, Leyte
13. Coastal Waters of Guiuan, Eastern Samar
