ODD – Iginpakita han mga ayam ha United Kingdom an ira kakaiba nga kakarit ha tubig mahuman nga makaghipatik hin mga bag-o nga Guinness World Record nga gindumara nga 2025 U.K. Dog Surfing Championships ha Dorset, England.
An syahan nga rekord nga nakuha in an titulo nga “fastest 50-meter paddleboarding by a human/dog pair”.
Nahuman ha draw an karera ha butnga han duha nga team: hi Matthew Jenkins ngan an iya 2-year-old nga shih-tzu nga hi Gigi; ngan hi Ben Gray kaupod an iya border collies nga hi Boo.
Mahitungod hine, parehas nira nga kapot yana an nasabi nga world record.
An ikaduha nga rekord nga nakab-ot in an “most dogs on a single paddleboard”.
Bisan man kun kumplikado an pag-ayad, malinampuson nga naisakay ngan napabilin ha uusa nga paddleboard an 12 nga ayam, nga bag-o nga world record.
An malinampuson nga event in dire nagpapakita hin kakaiba nga bonding ha butnga han mga ayam ngan ira mga fur parents, kundi nagpapamatuod gihapon nga an mga alaga nga hayop in mayda abilidad nga makigkumpetensya ngan maghipatik hin mga nakakabilib ngan kalangpusan.
