SAN MIGUEL, LEYTE – Gin tagan hin pagkilala han ira munisipyo an lima nga San Miguelnon nga naghatag hin dungog ha ira bungto ha Palarong Pambansa 2025 nga gindumara ha Ilocos Norte.
Sumala kan San Miguel, Leyte Municipal Mayor, Atty. Norman Sabdao, kumarawat hin Plaque of Recognition ngan gutiay nga cash incentives an mga atleta kumo pasalamat ngan pagkilala han Local Government Unit han San Miguel ha achievement nga nakuha han mga ine.
Ha lima nga atleta, upat ha mga ine an nakag-uli hin gold medal ngan usa naman an silver medal.
An mga ine in hira:
- • Chrisia Mae Tajarros – Gold Medalist – 3000 Meter Run
- • Elliana Delos Santos – Gold Medalist – Wrestling (Cadets 48kg Secondary Girls)
- • Lhea Mae Concillado – Gold Medalist and National Best Female Wrestler Awardee
- • Nica Sicat – Gold Medalist – Wrestling (52kg Secondary Girls)
- • Edmar Claros – Silver Medalist – Wrestling ( Cadets 46kg Secondary Boys)
Kumarawat hin plaque ngan P5,000 an upay nga atleta nga nakakuha hin gold, ngan P3,000 ngan plaque naman para han nakakuha han silver medal.
Labot la han mga atleta, ginpasidunggan gihapon an mga coaches ngan sports administrator nga kabulig han mga atleta para makadukdok han mga medalya.
Gin aghat naman hine an mga kag-anak nga padayon nga ‘instill’ an maupay nga disiplina ngan suporta ha mga kabataan agud mas makaunhan pa an mga ine.
