TACLOBAN CITY – Magkadurudilain nga aktibidades an pagdudumaraon han City Agriculture Office yana nga bulan han Oktubre ha mga parag-uma ngan mga mangirisda dinhe ha syudad.
Sumala kan Rommelo Anade, Head City Agriculture Office Tacloban City, nagtitikang na yana an pag upload han mga datos han mga registered fisherfolks kun diin may-ada haira igpanhahatag nga assistance ngan subsidy ha mga fisherfolks nga nagtatag-iya hin authorized fishing vessels.
Subay han mao nga opisyal, may-ada nakatalaan haira nga ipanhahatag nga fuel subsidy ha minimum nga P2,000.
Ginklaro gihapon hine nga dire ngatanan nga registered fisherfolks nga may-ada authorized nga baluto an makakarawat ngan base han nagin resulta han igin-upload ha system in may-ada na nakatalaan nga tatagan hin mao nga subsidy.
Ginmalatumat han mao nga opisyal, nga kun maparehistro an mga mangirisda han ira baluto in kinahanglan kaupod an ira gear sugad hiton pukot o kun ano paman na mga pandagat nga ira gin gagamit.
Ha pagkayana in padayun la gihap an ira gindudumara nga registration han pipira nga mga parupangisda nga dire pa rehistrado.
