TACLOBAN CITY – Ginyakan han Commission on Elections nga an puydi la sumulod ha mga polling centers para magkuha hin mga litrato ngan videos ha electoral proceedings in adtun mga accredited la han election body ngan mayda media pass nga kun diin, diri dinhi lakip an mga bloggers ngan vloggers.
Waray manggud daw ginpagawas nga guidelines an komisyon para ha mga vloggers sanglit ira la ini ginkokonsidera nga mga ordinaryo nga mga mulopyo.
Pahinumdom pa han COMELEC nga mahugot nga ginpapagbawal an pagkuha hin litrato ngan video ha mga balota mahitungod nga possible ini umatubang hin kaangayan nga kaso ha pagtalapas han election process.
An mga lehitimo nga mga media in umagi hin accreditation process han Commission on Elections para makakuha han mao nga media pass.
Pagbubuhaton an #TheVote2025 yana nga Mayo 12, 2025.
