NATIONAL – Gin padig-on han Metro Manila Council an resolusyon nga nagdi-deklara han State of Calamity ha bug-os nga Metro Manila mahitungod hiton haluag nga pagbaha ngan padayon nga pag pag-uuran durot hiton Bagyong Carina ngan Habagat.
Kadam-an han mga lugar han dako nga parte han Maynila in lunod na ha tubig-baha particular na an Syudad han Caloocan, Malabon nga Navotas.
Gin pangunahan ni Department of Interior and Local Government Secretary Benhur Abalos an pagharampang han MMC kun diin hi Metro Manila Council President ngan San Juan Mayor Francis Zamor an nagmugna nga igdeklara ha state of calamity hiton NCR kun diin ginsuportahan naman ine ni MMDA head Romando Artes ngan Taguig City Mayor Lani Cayetano.
Syahan naman nga igin pahayag ni Presidente Ferdinand Marocs Jr. nga pabor hiya nga igpailarom ha state of calamity an Metro Manila labi na nga kinikita man han kahaluag han babaha.
Dugang pa hine, nauubos na daw an reserved funds han mga local government units sanglit kinahanglan na nira nga umaro hin bulig ha national government.
