-- Advertisements --
TACLOBAN CITY — Nasipatan ha baybayon han Brgy. Pondol ha bungto han Hinunangan, Southern Leyte an usa nga waray na kinabuhi nga megamouth shark.
Sumala ha mga residente nga nahikalasan hira han makitan an pating ngan dayon nga iginreport ha mga otoridad.
Ginpahayag naman han official in charge han fisheries ha Municipal Agriculture Office nga hi Melchezedeck Costa, nga an mao nga pating in may kahalaba nga 4.3 meters ngan may timbang nga 600 kilos ngan 2.5 meters ha circumference.
Nahisabutan nga damo an samad hini nga gintutuuhan nga rason han kamatayon hini.
Dayon naman nga iginlubong an megamouth shark tungod nga ini in nagtitikang na nga mag decompose.
