TACLOBAN CITY– Gin-aabi-abi hiton Department of Labor & Employment Regional Office Vlll, an publiko nga maki-usa ha pagdudumaraon nga Mega Job Fair, ha Mayo 1 ha Tacloban City Convention Center o Tacloban Astrodome.
Sumala kan Norma Rae Costimiano, Information Officer, Department of Labor & Employment Regional Office Vlll, an nasabi nga aktibidadis in kinada-tuig na nga gindudumara hiton ira buhatan, agud nga makabulig ha publiko, partikular na adton mga namimiling hin trabaho.
Dugang pa ni Costimiano, mayda na nagkompirma nga mga lokal employers ngan overseas employers kun diin an mga ine in ada na ha 65 iton ihap, 5 ha overseas, samtang 60 naman ha mga lokal employers.
Ginlalauman naman hine nga madudugangan pa an nasabi nga ihap han mga makiki-usa nga mga employers yana nga Labor Day.
Maabot naman ha 4,400 nga mga available nga trabaho an pwede aplayan hiton mga aplikante ha nasabi nga adlaw.
Sanglit ginlalauman han nasabi nga opisyal, nga damo gihapon an makiki-usa ha nasabi nga adlaw matungod nga ginkokonsidera gihapon ine nga holiday.
