-- Advertisements --
NATIONAL – Nakatalaan nga makab-ot an panibag-o nga record high ha meat import han nasud.
Ha bulan pala manggud han Setyembre in umabot na ha 1M metric tons an imports mahitungod ha paghitaas han mga napalit han karne hin baboy ngan manok.
Subay ha Bureau of Animal Industry (BAI), an meat imports tikang han Enero kutob Setyembre in umabot na ha 1.039 milyon metric tons.
Ine in mas hitaas hin 12.64% nga nahipatik ha kaparehas nga bulan dida han nakalabay nga tuig.
An siyam kabulan nga volume in mayda 165,000 metric tons la nga kulang para maparehasan an full-year meat import volume han 2023 nga mayda 1.204 milyon metric tons.
