BASAHA | Gindig-unan han Sagguniang Bayan han Mayorga, Leyte nga mahugot nira nga gindidire an pagpapamina ha ira lugar basar ha ira Municipal Ordinance No. 2012-34 o AN ORDINANCE IMPOSING A FIFTY (50)-YEAR MORATORIUM ON THE CONDUCT OF MINING OPERATIONS IN THE MUNICIPALITY OF MAYORGA, LEYTE AND PROVIDING PENALTIES AND FOR OTHER PURPOSES THEREOF, nga ginpalusad dida han Hunyo 11, 2012.
Basar han ordinansa, nga gindidire nira an pag-apply han mga mining companies nga magmimina ha ira lugar mahitungod nga usa nga agricultural ngan fishing land an bungto.
Sumala pa ha ordinansa nga pangunahon mangud nga pakabuhi han ira molupyo an pagu-uma ngan pangingisda ngan kun minahan an ira lugar in maapektaran an pakabuhi han mga ini ngan dako gihapon iton magigin epekto hini ha ira karibungan in labi na nga nakakaeksperyensiya an Mayorga, Leyte hin mga kalamidad.
Kasumpay hini, sisirotan han Mayorga, Leyte an matalapas ha nasabi nga ordinansa kun diin usa na dinhi an pagkumpiskar han mga equipment nga mining pharapernalia nga pagkaka-preso ha sakob han 6 ka-bulan.
