TACLOBAN CITY – Nananawagan hin bulig hi Biri, Northern Samar Mayor, Amelita delos Reyes para ha iya bungto nga ginlasurbo ngan duro nga naapektaran han bagyong Enteng.
Ha iya pahayag in ginmalatumat hine nga duro gud nga kinahanglan han ira bungto an bulig mahitungod han nagin durot han naglabay nga kalamidad kun diin nakaghipatik hira in duha nga namatay nga resulta hiton pagparik han tuna ngan pito nga nasamaran durante han bagyo.
Labot la hine, damo gihapon nga kabablayan an nagkagu-guba kun diin 10 an nahipatik nga totally damaged ngan 12 naman an partially damaged.
Samtang, duro naman an pasasalamat hine mahitungod nga umabot na an inisyal nga bulig tikang ha Department of Social Welfare and Development (DSWD) Field Office VIII, kun diin nakalataan naman hira nga man-destribwer yana nga adlaw ngadto han mga biktima han bagyo.
Kakulop nga adlaw, nanhatag hira hin mga hygiene kits nga ira naman magagamit.
