TACLOBAN CITY – Nagtutuo hi Carigara Mayor Eduardo “Boy” Ong nga diri makakaapekto ha iya kandidatura an gin-dismiss nga kaso han korte ala kontra ha iya.
Syahan hini, nagsalawad hin kaso nga bigamy an dati nga asawa ni Ong ha Regional Trial Court (RTC) Branch 45 dida han 2021 pero gindismiss na ini han husgado dida la han nakalabay nga Marso 22.
“Matagal na kaming hiwalay. Thirty years ago na at nadismiss na ng korte ang kaso. Kung magresurface ito politically motivated yon”, pahayag ni Ong ha pag atubang ha media ha usa nga press conference.
Gintagan hin duon han alkalde nga ini nga kaso nga ginbasura han husgado in personal ngan waray kalabutan ha korapsyon o ha iya pagigin opisyal.
“Mula nung umupo ako ng 2013 hanggang ngayon lagi kaming nakakakuha ng award na Seal of Good Financial Housekeeping. Ibig sabihin, walang kaming anomalya at korapsyon”, kadugangan nga hini nga pahayag.
Iton Seal of Good Financial Housekeeping in recognition nga ginhahatag han Department of Interior and Local Government ( DILG) ha mga local government units nga pumasar ha accounting ngan auditing standards han Comission on Audit.
“We will not engage in negative campaigning, dun kami sa performance namin”, iya pag esplikar.
Mababaruan nga hi Ong in nadalagan kumo bise mayor han Carigara, Leyte mahuman an siyam katuig hini nga termino kumo mayor samtang nakandidato liwat pagka-alkalde an iya anak nga hi Vice Mayor Eduardo Ong Jr.
