Mahugot la gihapon nga ginpapatuman han Philippine National Police (PNP) an maximum tolerance ha kaluyo han paluyo-luyo nga pagpo-protesta han pira nga mga progresibo nga grupo ha magkaduru-dilain nga parte han Metro Manila.
Ha usa nga panayam, utro nga ginpahayag ni PNP Spokesperson PBGen. Randulf Tuano nga karuyag ni Acting PNP Chief PLt.Gen. Jose Melencio Nartatez Jr. ngn magin ni Department of Interior and Local Government (DILG) Secretary Jonvic Remulla nga ig respeto han pulisya an katungod han mga Pilipino nga makagpagawas han ira mga opinyon.
Kasunod hine in ginsigurado naman ni Tuano nga samtang ginpapatuman an maximun tolerance in ginsisigurado la gihapon han PNP an kahimyangan ngan dire tutugutan an bisan anuman nga pagtalapas ha balaod.
Samtang, nagdig-on gihapon hi Tuano nga mayda katapusan an maximum tolerance nga ginpapatuman han polisya labi na kun makitaa na nira hin mga pagtalapas ha balaod an mga nagdudumara han programa.
