TACLOBAN – Gindiwara ni Matag-ob Leyte, Mayor Bernie Tacoy an alegasyon ni Cong.Gomez ha mga journalist nga mayda natatabo nga media spin.
Ine in kanit la gihapon ha himangrawon ha flood control nga naguba ha barangay riverside han Matag-ob Leyte.
Mababaruan nga gin-akusaran ni Gomez an pira nga mga mamamahayag ha iya social media account nga daw ginbayaran an mga ine.
Manunumduman gihapon nga an nasabi nga alegasyon in kasumpay ha pag-exposed ni
Tacoy ha iya social media ha pagkaguba an flood control nga nagdurot hin baha ngan pagkaguba han pira nga mga pananom.
Depensa naman ni Gomez, an naguba nga flood control in dire pa human, ngan nagtikang an proyekto han nakalabay nga Pebrero ngan maghuhuman naman ine ha bulan han Nobyermbre yana nga tuig.
Ha lain nga bahin, ha nagin Personal and Collective Privilege Speech ni Gomez ha kongreso,in nag-aro naman ine hin public apologies ha iya mga alegasyon nga ginbul-iwan kontra ha mga journalist. (via Bombo Jake Paguipo)
