TACLOBAN CITY – Mas mahugot an ginlatag nga security plan han Leyte Police Provincial Office (LPPO) para han 74th Leyte Gulf Landings Commemoration buwas nga adlaw.
Sumala kan Police Senior Inspector Edgar Octaviano, tagapagyakan han Leyte Police Provincial Office, nga nakaandam na an deployment han mga kapulisan kun diin magdudumara gihapon hin tulo checkpoints ngan sugadman perimeter, area ngan parking security.
Mayda gihapon holding area nga aagian han mga matambong han aktibidad kun diin iinspeksyunon an ira mga gamit.
Nagpahimatngon gihapon ini ha publiko bahin han mga igindidiri nga butang nga dapat diri dad-on han mga matambong ha mao nga selebrasyon.
Pira ha mga gindidiri an pagdadara hin backpacks, bladed weapons o magtarum nga mga butang, placards, makahurubog nga irimnon ngan iba pa nga mga butang nga makakapagdurot hin kasamok ha lugar.
Samtang, nahibaruan nga kakulop pa umulpot an Australian Ambassador to the Philippines Amanda Gorely ngan ginlalauman naman nga maulpot gihapon an Japan ngan US Ambassador to the Philippines.
Magiging representante naman ni Presidente Rodrigo Duterte para ha mao nga komemorasyon buwas nga adlaw hi Usec. Ernesto Carolina, Administrator han Philippine Veterans Affairs Office (PVAO
