-- Advertisements --
TACLOBAN CITY – Usa nga unclaimed parcel nga may sulod nga marijuana an nakumpiskar han mga kapuluisan ha warehouse han usa nga courier service ha Brgy. Abgao Maasin City, Southern Leyte
Sumala kan Rogelette Urgel, Information Officer hiton Philippine Drug Enforcement Agency Regional Office 8, nakuha ha sulod han nasabi nga parcel an mga dried marijuana leaves, tangkay, ngan liso hine.
Subay ha impormasyon, an sender han nasabi nga parcel in tikang ha username nga Lollypop1998 nga taga-Biñan, Laguna ngan an receiver naman in naka-address ha Brgy. Tagnipa, Maasin City, Southern Leyte.
Mayda naman ine kabug-aton nga 67.30 kagramos ngan mayda estimated market value nga P30, 416.
