Iginduduso ni Senator Mark Villar an pagkakamay-ada hin mandatoryo nga libre nga health maintenance organization (HMO) coverage para ha ngatanan han empleyado han gobyerno.
Sumala kan Villar, sakto la nga masigurado an panlawas ngan kapakanan han mga empleyado han gobyerno labi na nga importante hira nga kasugbong ha pagduduso han pag-ursa ngan paghahatag hin serbisyo-publiko.
Panuyo han Senate Bill 2568 nga mapahusay an akses ha medical care ngan mabuligan an mga empleyado han gobyerno ngan an ira pamilya tikang ha magastos ngan hitaas nga sukot kun mayda health emergencies.
Gintudlok han senador nga bisan man naghahatag hin health insurance coverahe an PhilHealth, dire naman dakop han nasabi nga benepisyo an bug-os nga hospitalization, pagtambal, ngan iba pa nga gastos ha medikal.
Ha panukala ni Villar, hihimuon nga standard benefit ha mga government employees an HMO coverage agud maibanan an problema nga pinansyal ha mga dire ginlalauman nga gastos ha ospital ngan agud maaghat gihapon an mga empleyado han gobyerno nga magpakunsulta para ha ira panlawas.
