Ginpahayag han Malakanyang nga waray pa hira makukumpirma nga impormasyon kasumpay han daw plano nga destabilisasyon kontra ha gobyerno ha maabot nga Hunyo 12, 2026, kadugangan han pagselebrar han Araw ng Kalayaan.
Sumala kan Palace Press Officer Usec. Claire Castro, dire na bag-o an mga sugad nga report mahitungod nga maiha na nga mayda mga grupo nga nagpu-prubar nga magbutang hin ira kalugaringon nga lider ha gahom ugsa pa man an piniliay ha 2028.
Nagpahimatngon gihapon hi Castro ha publiko nga maghirot ngan magin vigilante ha mga gintawag niya nga “kampon ng kadiliman” nga posible daw magdurot hin kasamok.
Gintagan-duon han opisyal nga ada ha mandatos na han mga law enforcement agency ngan investigating bodies an panginano ngan pagpapatuman han kaangayan nga aksyon kontra ha anuman nga ilegal nga buruhaton nga naghuhulga ha seguridad han nasud.
