NATIONAL NEWS– Andam an Makabayan bloc nga utro igpasaka an impeachment complaint kontra kan Vice President Sara Duterte mahuman nga igbasura han Supreme Court En Banc an Motion for Reconsideration han House of Representatives nga nagkwe-kwestyon ha syahan nga nagin desisyon han Korte ha pagdeklara nga dire valid an mga artikulo han impeachment.
Subay ha Makabayan bloc lawmakers, ginpapakurian han SC ruling an “fast track” nga proseso han impeachment han liderato han Kamara, sanglit nga makuri na yana mapagbaton an mga higtaas nga opsiyal.
Ha kaluyo hine, nagpapabilin nga valid an mga alegasyon kontra kan VP Duterte, kalakip na an pagtalapas ha pagtapod han publiko, sayop nga paggamit han confidential funds, ngan pattern han pag-abusar hiton katungdanan.
Ha nagin pahayag han Makabayan Bloc, dire pwede nga ig-ugsod ngan dire mapagbaton hi Sara agud nga magkamayda hin hustisya.
Nanawagan gihapon an mga ine ha Kongreso ngan publiko nga suportahan an nasabi nga pitad para ha transparency ngan good governance.
