EASTERN VISAYAS – Mahugot yana nga ginmomonitor an mga proyekto nga gintitindog ha ikatulo nga distrito han Leyte.
Sumala kan Leyte 3rd District Engineer Cesar Makabenta nga an nasabi nga pagbabantay in nagresulta ha mas maupay ngan insakto nga pantindog o konstrukyon ha mga proyekto ha mao nga distrito.
Dugang hini nga kun nagpro-propose hira hin mga proyekto ma-lokal man o nasyonal in presente iton mga tinaglawas han lokal nga pangobyernuhan, mga opisyales han baranggay, ngan an nag-request han pagpatindog han struktura agud maipakita nga an ira pagtindog hini in may transparensiya.
Ginpananglitan hini nga kun an nagpapatindog in parte hiton eskwelahan presente nga aada ha proposal ngan pagpla-plano iton mga magturutdo ngan mga opisyales han eskwelahan.
Sumala pa han engineer nga an tanan nga proyekto ha 3rd District in naagi ha mahugot ngan insakto nga proseso agud masigurado nga dire ini mangangadto ha ‘kadautan’.
Samtang ha pagkayana in mahugot gihapon nga ginkikita han Department of Works and Highways ngan han Leyte 3rd District Engineering Office an mga kontraktor nga nanbi-bid para ha mga proyekto.
