Ginsukna ni Sen. Risa Hontiveros an mahinay nga pag-take down han META ha livestreaming han panmusil ha Ateneo de Zamboanga University Junior High School.
Duon han senadora, kutob yana in mayda pa mga nakikit-an ha Facebook nga kopya han livestream video kasumpay han insidente.
Ha pagdungog han Senate Committee on Women, ginmalatumat ni Cybercrime Investigation and Coordinating Center Director Undersec. Renato Paraiso, nga gin-abot hin 14 minutes an livestreaming ha Facebook han panmusil.
Duon ni Hontiveros, nga maiha na iton 14 ka-minutos ngan posible magamit pa an video ha mga dire maupay nga impluwensya.
Sugadman, ginamin ni Paraiso nga nag-live gihapon ha iba nga platfrom an child in conflict with the law ngan posible didto mas nagsarang an video mahitungod nga waray hurisdiksyon an CICC.
Umapela hi Paraiso ha mga senador nga magduso hin panukala nga maghahatag gihapon ha ira hin hurisdiksyon ha iba mga messaging platfrom web-based chat groups sugad han Discord.
Samtang, ginduon naman ni Hontiveros nga dapat maglugaring an META ngan dire ighatag ha CICC an paglilimpyo ha basura ha ira platform.
